ياسين .. انت وحشتني اوي .. انا فعلا نفسي اشوفك دلوقتي .. بقالي فتره كده و انت واحشني اوي .. حاسس اني فعلا عايز اشوفك .. عايز اشوفك يا ياسين .. بس اكيد انت دلوقتي في مكان احسن .. و انا متأكد انه هايجيلي يوم و اشوفك .. اكيد انت كمان نفسك تشوفني .. بس انت عارف انه غصب عني والله يا ياسين ..
ياسين حبيبي .. انا بعمل كل حاجه عشان اشوفك في اقرب فرصه والله .. عارف .. كتير اوي بفضل اتخيل اوضتك عامله ازاي .. بتخيلك لابس ايه ... بتخيل ايه اللعب اللي عندك في اوضتك ... بتخيل انا بشتريلك ايه .. عارف .. كتير اوي بشوف هدوم نفسي اشتريهالك .. و حاجات نفسي اقولهالك .. و صور نفسي اصورهالك .. و اماكن نفسي اوديهالك ..
ياسين .. انت لو عايز بجد تعرف انا بحبك قد ايه ... شوف انا بحب امك قد ايه ... بجد يا ياسين امك دي احلى حاجه في حياتي .. انا فعلا كنت عايش من غير هدف لحد ما عرفتها .. او بمعنى اصح كان عندي معاني كتييييير اوي لحياتي .. بس لما عرفتها .. المعاني دي كلها بقت معنى واحد .. كفايه انها هي اللي اختارت الأسم ... ممكن ابقى احكيلك الحكايه دي بعدين .. لما اشوفك ان شاء الله
ياسين .. اول حاجه هاعملها لما اشوفك ان شاء الله اني اقرالك الجواب ده .. ممكن تكون سمعته قبل كده .. بس انا عايز اقرأهولك تاني .. عايزك تحس بيه زي ما انا حسس بيه يا ياسين .. ياسين .. ده مش اخر جواب هكتبهولك .. هاكتبلك كتير اوي ان شاء الله ..انا بس عايزك تعرف اني هاعمل كل حاجه عشان اشوفك .. و عشان اجيلك .. هاجي على نفسي يا ياسين عشانك .. عشان انا ما عنديش اغلى منك .. معنديش اغلى منك غير امك يا ياسين ..
ياسين .. انا عايزك تعرف قد ايه انا بحبك .. تخيل الحب ده كله جوايا و انا لسه ما شوفتكش .. كل الحب ده و انت لسه ما اتولدتش .. لسه في علم الغيب ... تخيل لما اشوفك ايه اللي هيحصل .. ؟؟؟ مش عارف يا ياسين ... اللي انا عارفه اني بحبك من دلوقتي .. من قبل ما اشوفك.
بابا.
7 comments:
ye5rebe 3a2laaaaaaak .. to7faaaa moooot .. ... i love yaseeeeeen nefasy ana kaman ashofoooooo
Yabn el la3yba
i luv it bgdd .MSAAA mlhash 7all.........
"ya ba5tk be bbabak ya yassinn"...:)
lol, gamda ta7n mashaAllah :)
I expected it while reading btw :D, but I have a curious question,
howa eh 3elaket el sora elly fel post bel kalam elly maktoob :D ??!!
its a baby shoes i saw it b4 and i like it toooo much :) .. it always reminds me by Yassine :)
yaaah ya 3abdelra7maan.. very touching.. bgd 7saas raqy :)
rabbena y7a22a2laak omneyyetak, w yassine yb2a ragel yo3tabad 3aleeh w walad sale7 leek ya raab
w yfarra7 beeh howwa w Habeebaa :) :)
AMAZING !!!
I have non-stop goosebumps !!
With every word I read, they just increased !!
rabena yerzo2ak be yassin .. w dasta kaman gambo isA :)
Post a Comment