اخرس

- انت مش ملاحظ انك كل مره بتحرجني بكلامك

- بحرجك !! يا راجل حرام عليك .. هو عشان انا بقول الحق يبقا بحرجك ...

- حق ايييه ... و انت مالك يا اخي .. شغلي و انا حر فيه .. و اصحابي و انا اعاملهم بالطريقه اللي تريحني

- انا ما قلتش حاجه بس كل شئ ليه حدود

- انا عايز اعرف انت ايه اللي بيخليك تنسحب من لسانك و تكلم ؟

- ما هو انا ما اقدرش اشوفك واقف كده زي العبيط و هما بيبهدلوك ..

- بيبهدلوني ايه بس ... احنا متعودين على كده .. انا بحب استحملهم .. نوع من انواع النبل يا اخي

- نبل !!! ده هبل و حياة الست الوالده

- بقلك ايه ... بلاشقلة ادب ...

- خلاص يا عم و حياة مامي .. بطل عنطزه بقا .. انت عارف من جواك ان اللي بتعملوا ده محدش حاسس بيه غيرك .. تفتكر حد هيقدرك ؟؟

- ايوه طبعا ... انا طول عمري مختلف عن الناس كلها ... ما ينفعش دلوقتي اجي ابقا زيهم ..

- يا سيدي انا ما قلتلكش العن سلسافيل اللي جابتهوم .. بس برضه خد حقك ..

- لأ ... انا عمري ما سبت حقي ...

- ونبيييييي ...

- هو ايه ده ..ايو طبعا .. انا عمري ما بسيب حقي ...

- بامارة ايه ؟؟ بامارة النهارده اما كل الناس مشيت و سابولك شغلهم عشان رايحين يتفرجوا على ماتش كوره ؟؟

- ما انا ماليش في الكوره ...

- ماشي يا سيدي حقك عليه .. بامراة ما اديت عربيتك لي الواد صحبك السيس ده عشان يروح بيها مشوار مصيري .. و طلع في الأخر رايح يظبط حريم ... لأ و خبطهالك كمان ؟؟؟

- ما انا ما كنتش اعرف و بعدين انا قلتلوا ما يعملش كده تاني و غالبا يعني مش هاديلوا العربيه تاني

- يا راجل ده انت ما بتعرفش تقول لي بتاع الديلفري اللي جايبلك الأكل ان الأكل ده

جيلك غلط و قعدت كلتوا و انت مغصوب على امرك ...

- يعني هارجع الواد تاني .. حرام ...

- حرمت عليك عشتك ... دي شغلته .. ده انت المفروض تخليه يجبلك الأكل و على حسابه كمان ... ده انت ضايع

- طيب .. ممكن تخرس ؟؟

- لأ ...

- هو ايه اللي لأ !!

- انت سألتني و قلتلك لأ ... فيها حاجه ؟؟ اشمعنى انا اللي هتقدر عليا ؟؟

- بقلك اسكت لحسن اسكتك !!

- ايوه .. انا عايزك تسكتني .. مش هاتعرف ..

- اخرس ...

- بقلك مش هاتقدر ...

- اخراااااس ...

-هااااء .. يالا يا هفأ ....

- طيب ... والله ...

دششششششششششش

حبيبي !!! في ايه مالك ...؟؟ لأ مش ممكن ... دي رابع مرايه تكسرها الشهر ده ... و ... و .. و بعدين انت كنت بتكلم مين ؟؟؟