فتحت الكتاب و قعدت تقرا فيه .. مع انها عمرها ما فكرت تقرا الكتاب ده قبل كده .. بس النهارده كانت حاسه ان الكتاب ده مش ورق .. ده حاجه اكبر من كده ...
فتحت التليفزيون عشان ما اتعودتش انها تبقا اعده كده في هدوء ... و جابت اول ماتش كوره كان عالتلفزيون و علت الصوت و سابته .. مع انها عمرها ما كان ليها في الكوره .. بس النهارده كانت حاسه انها مش مجرد قطعه من الجلد مستديرة المقاطع يتحرك خلفها 44 قدم حيث كانت تطلق عليها دائما ام 44 ...
وقفت في المطبخ تعمل كوباية قهوه مع انها طول عمرها بتكره ريحتها و بتحس انها بتوجع المعده ... بس النهارده بس كانت حاسه انها فعلا محتاجه تشرب كوباية القهوه دي عشان هي ما كانتش مجرد شوية بن في كنكه ... دي كانت حاجات كتير اوي
قعدت تفكر شويه في اللي بتعمله ... لقت انها من اول النهار بتعمل حاجات و مش عارفه هي بتعملها ليه !! لقيت نفسها بتتحرك بدافع اقوى من اي شئ تاني جواها عشان تعمل حاجات هي عمرها ما عملتها ...
ايه اللي يخليها تمسك كتاب " 100 عام من العزله " ... و تفتح التلفزيون على الدوري الاسكوتلندي ... و تعمل لنفسها كوباية قهوه مالهاش طعم (وتشربها) .. و تفتح علبة السجاير اللي عمرها ما طاقيت ريحتها .. و تلبس هدوم اكبر من مقاسها ب 3 مرات عالأقل .. و تحط برفان عمرها ما حطته في حياتها غير لو كان .. اللي خلاها تعمل كده ان ...
الكتاب من مكتبته ... و الكوره هوايته .. و القهوه ما كانش بيبطل يشربها ... و علبة سجايره اللي بعتت البواب يشتريهلها ... و هدوموا اللي اضرت تديقها بدبابيس .. و برفانه اللي كانت بتشتريهولوا ...
كانت عايزه تحس انه موجود ... كنت عايزه تحس انه حاضنها ... كانت عايزاه يقلها الف سلامه عليكي ... انا عارف انك تعبانه .. النهارده كان يوم متعب اوي عليكي يا حبيبتي ... كان نفسي اكون جمبك ... بس انا اسف .. ما كانش ينفع اكون جمبك في يوم جنازتي ... اسف
9 comments:
7aram 3aleeek ya gada3 x( .. :'(
ehhh ya babaaa :'(
ehhh el bo2s daaah 7aram 3aleeek :'(
i really love your style of writing .. its totally U
bas eb2a 7ot fel awel warning eno the coming story is gonna make u cry :'(
keep going dude .. nice to c u coming back strong w kol youm new post :D \m/
very nice work keep going may be one day a big writer
Nice one, bas kan nefsy tekammel el post betaree2a tanya, 3alashan ana 3esht el gaw el 2awalaany lel post el fatra elly fatet, anyway, rabena ye3enna lema feeh el khayr, Allahoma 2ameen ...
Uf..i like it bgd .. so impressive n it have a great meaning !!
:)
Roaa .. you are the first one to smile after reading this post :) .. I appreciate passing my blog :)
ياه يل بيبو
المواهب دى كلها كانت فيين
ليه ماكنتش بتكتب قبل كده ولا فيه جديد قدر يفجر الطاقات المدفونة دى
ولا انا اللى ماكنتش بقرالك
عجبنى كتيير آخر حاجات كتبتها
احساسك عالى واسلوبك مميز
تسلم
howa ana begad mesh 3arfa 2a2olak eh bas ana fe3lan 3amalt keda fe yom men al2ayam ,so that im feel it so mush (for every word),
no comment
bas 7a2e2y bravo 3alak
go on
:)
emda2
Samia
Friend of nesma
bgd yabebo 7lwa awiii
Post a Comment