لما شفت الصوره دي عند عمو هشام الحديدي قلتله على فكره الصوره دي جامده اوي و عجباني جدا ... الراجل عجبه اني فاهم الصوره و حسيت بيها .. و انا كنت بروح عنده كتير لأني ما كانش عندي نت و كنت بقعد عنده ادخل عالنت و كان النت بالنسبه ليه هو موقع مصراوي او الشات الواقع بتاع مكتوب او موقع مجلة ماجد ...
و في مره لقيت عمو هشام جاي البيت و جايبلي معاه الصوره دي و حاطتها في برواز و كاتبلي عالبرواز من ورا اهداء و قالي انا هاديك الصوره دي بشرط انها تفضل دايما في أوضتك او على مكتبك .. فرحت جدا لأن الصوره فعلن كان فيها حاجه بتشدني ... اخدت منه الصوره و جبت نت عندي في البيت و بمنتهى النداله بطلت اروحله البيت كتير ... كنت بروحله ساعات لما احب كده اغتت عليه او اشوفه بيرسم ايه تاني او بيكتب ايه .. مع انه اصلا دكتور بشري ...
بعد فتره طويله شويه لاحظت ان الصوره مكتوب في حاشيتها حاجه بالقلم الرصاص كده ... جمله طويله قرئتها و سمعتها حسيت بالفخر و الغباء ... الأولى لأني معايا حاجه ليها معنى بعد ما كنت محتار في معنى الصوره .. الثانيه بقا لأني ما فهمتش الكلام المكتوب .......
الموقف ده حصل بعد التاريخ اللي ممضيه بيه الصوره بحاجه بسيطه يعني يمكن كنت صغير .. بس انا دلوقتي فخور بغبائي اللي ما خلانيش افهم الصوره لحد دلوقتي مع اني بدات افهم بعض رموزها و شكرا د/هشام الحديدي ... اتعلمت منك كتير ... بالنسبه للتعليق اللي كان عالصوره فهو ما احب ان اختم به و انا انقله لكم بالنص بدون تحريف
هذه اللوحه تعبر عن رؤى التحولات و الأنطلاقات في واقع هيولي مرتد عن اختراقات مثلى لكل تصور متأرجح
4 comments:
bemonasbet en el Doctor el rasam el sora doctor bashary,
el sora de betfakarny bel bashar
7aga keda mela7'bata we mesh mafhoma
7ata tela2y el nas nafsaha mebtefhamsh nafsaha
2ella man ra7ema rabby
thx waleed for ur comment but i wish to know if all the "bashar" are the same and wht the normal percentage of "man ra7ema rabby"
Look , really ana mesh fahem 7aga men el soora dy ... bas shayef shewayet 7agat >>
1) kaza string
2) cap
3) ragel tayer fyl hawa :D
4) many 'X'
5) zalata :D
bas mesh fahem eih el 3elaka benhom el sara7a 3'eer haza el tafseeer el 2ar3an >>
cap >> zabet
kaza string>> beyedrab beehom
el ragel tayyer fyl hawa men kotr el darb
zalata >> waseela 2okhra lel darb
3adad tekrar X = 3adad el naas elly mato :D :D :D
هذه اللوحه تعبر عن رؤى التحولات و الأنطلاقات في واقع هيولي مرتد عن اختراقات مثلى لكل تصور متأرجح
اكسر لابتوبي لو كنت فاهمة حاجة
!!!!!!!!!!!!
Post a Comment